Zeinab Ali - زينب علي

انك تشتغل الحاجة عن هوايه مش معناها انك مش حريف 😉
فكرة ان مجموعك في الثانوية يكون عائق علي الوصول لحلمك ده انساه خالص لانه محدش ميقدرش يحقق حلمه الا لو هو استسلم لحياته..
وجهتني مشاكل كتير وصعوبات علشان ادخل عالم الجرافيك لاني خريجة آداب ، بس ده عمره ما كان مانعني اني اوصل وعافرت كتير ووادهت كتير اثناء رحلتي ومريت بكل حاجة ممكن يمر بيها حد لسه متخرج او لسه هيتخرج او حتي بيشتغل بقاله حبه..
ديما بشوف انه طالما الحياة مدرسة وهي اللي هتعلمنا ف السوق هو ناظر المدرسة اللي يا يخليك تكمل وتعافر وتوصل يا هيبحطك ويطردك منها وتدخل في دوامه الفشل واليأس..

هدفي هو اني اقدر اساعد الناس واوصلهم المسج عن السوق وازاي يتعلموا فيها وكمان اعلمهم من اللي اتعلمته ..

شكرا لوجودهم هنا ويارب أقدر أساعدكوا واقدملكوا حاجة هادفة فعلا تستفيدوا منها في حياتكم العملية وآثر برضو في حياتكوا اليومية❤