من وه‌ك وێنه‌ گرێك‌و خاوه‌ن تۆمارگایه‌ك ئه‌وداری غه‌م‌و په‌ژاره‌ی خۆم ده‌ ده‌بڕم، له‌گه‌ڵ ئه‌وه‌ش دا حه‌ز ده‌كه‌م تۆزێ‌ له‌ سیفه‌ت‌و ئه‌دگاره‌ جوانه‌كانی جوانه‌ مه‌رگ (ئیسماعیل سه‌رده‌شتی) هونه‌رمه‌ند بدوێنم.

ئه‌م هونه‌رمه‌نده‌ به‌ڕێزه‌ خاوه‌ن موڵك‌و ماڵێكی زۆر بوو له‌ رۆژهه‌ڵاتی ئێران به‌ڵام به‌هۆی هه‌ستی نه‌ته‌وایه‌تی‌و پشتگیری كردن له‌ دیموكراسی‌و شۆڕشی به‌رخودان رووی له‌ باشووری كوردستان كرد، كه‌سێكی دڵ ساف‌و ده‌ست پاك‌و رووخۆش بوو، به‌داخه‌وه‌ هه‌ندێ‌ به‌ناو هونه‌رمه‌ند هه‌بوون دژایه‌تیان ده‌كرد‌و جوێنیان پێده‌دا، كه‌چی ئێستا‌و پاش مردنی به‌شان‌و باڵی هه‌ڵده‌رێن، به‌هیوام ئه‌و كه‌سانه‌ به‌خۆیان دابچنه‌وه‌ من له‌ تۆمارگاكه‌م ئه‌م ماوه‌یه‌ زۆرترین (CD) ‌و شریت‌و وێنه‌ی ئه‌م هونه‌رمه‌نده‌م فرۆشتوه‌، ئه‌مه‌ش مانای وایه‌ لای جه‌ماوه‌ر خۆشه‌ویست بوو، خودان ده‌نگێكی به‌سۆز‌و خۆشی بوو له‌به‌ند گوتن تاكی نه‌بوو هه‌ستی به‌ماندوو بوون‌و پچران نه‌ده‌كر له‌كۆتایدا به‌هیوام خودای گه‌وره‌ لێی خۆش بێ‌‌و سه‌بوری به‌بنه‌ماڵه‌ كورد په‌روه‌ر‌و هونه‌ر دۆسته‌كه‌ی بدات، پێشنیاریش ده‌كه‌م شه‌قامێك یان شوێنێكی گشتی له‌ پایته‌ختی هه‌رێمی كوردستان به‌ناو بكرێ‌.