Lao MSMEPromotion Fund

ກອງທຶນສົ່ງເສີມວິສາຫະກິດຂະໜາດນ້ອຍ ແລະ ກາງ ຂຽນຫຍໍ້ວ່າ ທສວ ເປັນພາສາອັງກິດວ່າ Small and Medium Enterprise Promotion Fund, ຂຽນຫຍໍ້ວ່າ SME Fund ໄດ້ຮັບການສ້າງຕັ້ງຂື້ນຕາມດຳລັດຂອງນາຍົກລັດຖະມົນຕີສະບັບເລກທີ 123/ນຍ, ລົງວັນທີ 03 ມີນາ 2010 ວ່າດ້ວຍກອງທຶນສົ່ງເສີມ ແລະ ພັດທະນາວິສາຫະກິດຂະໜາດນ້ອຍ ແລະ ກາງ ຊຶ່ງໄດ້ປັບປຸງມາເປັນດໍາລັດວ່າດ້ວຍກອງທຶນສົ່ງເສີມວິສາຫະກິດຂະໜາດນ້ອຍ ແລະ ກາງ ສະບັບເລກທີ 299/ລບ, ລົງວັນທີ 04 ກັນຍາ 2019.ທສວ ແມ່ນການຈັດຕັ້ງການເງິນໜຶ່ງຂອງລັດ ທີ່ຂື້ນກັບ ກະຊວງອຸດສາຫະກຳ ແລະ ການຄ້າ ໂດຍມີສະພາບໍລິຫານ ທສວ ເປັນອົງການບໍລິຫານສູງສຸດຂອງ ທສວ, ເປັນອົງການທີ່ບໍ່ປະຈຳການ ເຮັດໜ້າທີ່ໃນການນຳພາ-ຊີ້ນຳ ແລະ ຕິດຕາມກວດກາການຄຸ້ມຄອງບໍລິຫານຂອງ ທສວ ທີ່ມີຮອງລັດຖະມົນຕີ ກະຊວງອຸດສາຫະກຳ ແລະ ການຄ້າ ເປັນປະທານ, ມີພາລະບົດບາດໃນການລະດົມທຶນຈາກແຫຼ່ງຕ່າງໆຢ່າງລວມສູນ ແນໃສ່ຮັບປະກັນໃຫ້ມີທຶນຮອນທີ່ໝັ້ນຄົງ ແລະ ຕໍ່ເນື່ອງເຂົ້າໃນການສົ່ງເສີມວິສາຫະກິດຂະໜາດນ້ອຍ ແລະ ກາງ ໃຫ້ເຕີບໃຫຍ່, ເຂັ້ມແຂງ ແລະ ຍືນຍົງ.
ເປົ້າໝາຍການນໍາໃຊ້ທຶນຂອງ ທສວ ແມ່ນນໍາໃຊ້ 02 ເປົ້າໝາຍຫຼັກຄື:
1.ສະໜອງສິນເຊື່ອໃຫ້ ວນກ ໃນຮູບແບບຕ່າງໆ
2.ສະໜອງທຶນໃຫ້ໂຄງການວິຊາການ ເພື່ອສ້າງຄວາມເຂັ້ມແຂງໃຫ້ ວນກ