AhlusunnahMP4

നബി ﷺ ഒരിക്കൽ അവിടുത്തെ സ്വഹാബാക്കളോട് പറഞ്ഞു: “ഞാന്‍ നിങ്ങളെ വിട്ടേച്ച് പോകുന്നത് തെളിഞ്ഞ ഒരു മാർഗത്തിലാണ്. അതിന്റെ രാത്രി പകൽ പോലെ വ്യക്തമാണ്. നശിച്ചവനല്ലാതെ എനിക്ക് ശേഷം അതില്‍ നിന്നും വഴി തെറ്റുകയില്ല. നിശ്ചയം, നിങ്ങളില്‍ ആരാണോ എനിക്ക് ശേഷം ജീവിക്കുന്നത് അവര്‍ക്ക് ധാരാളം ഭിന്നതകള്‍ കാണാം. അപ്പോള്‍ എന്‍റെ സുന്നത്തും സച്ചരിതരായ എന്‍റെ ഖുലഫാഉറാഷിദുകളുടെ (സഹാബികൾ) ചര്യയും മുറുകെ പിടിക്കൽ നിങ്ങളുടെ മേല്‍ നിര്‍ബന്ധമാണ്. അവ മുറുകെ പിടിക്കുകയും അണപ്പല്ലുകള്‍ കൊണ്ട് കടിച്ച് പിടിക്കുകയും ചെയ്യുക.. (ഇബ്നുമാജ 1/145)

വിശ്വാസത്തിലും, കർമ്മത്തിലും, ദീനിന്റെ മറ്റെല്ലാ മേഖലയിലും ആ സ്വഹാബികൾ അന്ന് ഏതൊരു മാർഗ്ഗത്തിലാണോ നിലകൊണ്ടത്, ആ മാർഗ്ഗം (അതായത്, സലഫീ മൻഹജ്) അനുസരിച്ച് കൃത്യമായ അറിവിന്റെ അടിസ്ഥാനത്തിൽ ദീൻ പ്രചരിപ്പിക്കുന്നതിന് വേണ്ടിയുള്ള ചെറിയ ഒരു പരിശ്രമമാണ് ഈ ചാനൽ. സലഫീ ഉലമാക്കളുടെയും, ദാഇമാരുടെയും തിരഞ്ഞെടുത്ത ചെറിയ ദുറൂസുകളും മറ്റു ചില ഫവാഇദുകളുമൊക്കെയാണ് ഈ ചാനലിൽ ഉൾകൊള്ളിക്കാൻ ഉദ്ദേശിക്കുന്നത്. وبالله التوفيق