Aqrar Təlim Mərkəzi

Mərkəz Aparatdan və 8 Regional Təlim Mərkəzlərindən (RTM) ibarətdir. Mərkəz fəaliyyətini bilavasitə və 8 RTM vasitəsilə həyata keçirir:
Beyləqan, Gəncə, Kürdəmir, Quba, Lənkəran, Salyan, Şəki və Bərdə.

Mərkəzin fəaliyyət istiqamətləri aşağıdakılardan ibarətdir:

- aqrar sahənin inkişafına böyük təsirə malik və rəqabətə davamlı məhsullar üzrə dəyər zənciri iştirakçılarının fəallığının və əhalinin məşğulluğunun artırılması istiqamətində əlavə imkanlar yaratmaq;

- aqrar təlim verən subyektləri fermerlərlə əlaqələndirmək;

- aqrar sahədə yeni texnologiyaların, beynəlxalq təcrübə və innovasiyaların, elmi-texniki yeniliklərin fermerlər arasında yayılmasını təşviq etmək;

- aqrar sahədə fəaliyyət göstərə biləcək təlimçilərin bazasını formalaşdırmaq;

- aqrar sahədə təlim və informasiya-məsləhət xidmətlərinin göstərilməsini təşkil etmək.