BIOMOBILIARIO

Neste canal presentamos un proxecto de innovación integral que engloba diversas técnicas de fabricación e reparación utilizando resina, un material versátil que nos permite crear pezas únicas e restaurar mobles. Mostramos procesos como a creación de mesas con rodaxas de troncos e resina, a fabricación de sillas a base de papeles decorativos e residuos de madeira, e a restauración de elementos danados como balaustres e patas de mobles.
Utilizamos a tecnoloxía CNC para o mecanizado de hexágonos en mesas e a infusión de resina en moldes curvos para a fabricación de bancos. Os procesos destacan pola súa precisión, creatividade e o uso de materiais que respectan tanto a estética como a funcionalidade dos mobles.
A presentación deste proxecto na exposición FP Innova 2025 en Santiago de Compostela é unha oportunidade para compartir a nosa visión de futuro na fabricación e restauración de mobles, mostrando as posibilidades que ofrece a resina para o deseño e reparación de pezas únicas.