Charkop cha Ganraj Sai Mitra Mandal

संतशिरोमणी श्री ज्ञानेश्वरमाउलींनी ज्ञानेश्वरीच्या आरंभी ‘देवा तूचि गणेश, सकल मती प्रकाशु’, असे म्हणून गणरायाला सविनय वंदिले आहे. संत एकनाथांनी भागवतटीकेत श्री गणेशाला ‘ओम् अनादि आद्या । वेद वेदान्त विद्या । वंद्य ही परमा वंद्या । स्वयंवेद्या श्री गणेशा ।।’ याप्रमाणे वंदन केले आहे. संत नामदेवांनी ‘लंबरोदरा तुझे शुंडादुंड । करीतसे खंड दुश्चिन्हांचा ।।’, असे म्हटले आहे.
 गणपति दशदिशांचा स्वामी आहे. दशदिशा म्हणजे अष्टदिशा अधिक ऊध्र्व(वरची) आणि अधर(खालची) अशा दोन दिशा. इतर देवता त्याच्या परवानगीशिवाय कोणत्याही दिशेने येऊ शकत नाहीत; म्हणून कोणतेही मंगलकार्य किंवा इतर कोणत्याही देवतेची पूजा करतांना प्रथम गणपतिपूजन करतात.
लोकमान्य बाळ गंगाधर टिळक यांच्या पुढाकारामुळे सुरू झालेला सार्वजनिक गणेशोत्सव, त्याचे विचार आणी ऊद्देश त्याचबरोबर गणेश चतुर्थीचे महत्व समोर ठेऊन १९९२ साली चारकोप सेक्टर ५ येथील रहिवाशांनी मिळून श्री साई मित्र मंडळाची स्थापना केली. #charkopcha Ganraj