De Mudanza, a historia das persoas.

dMudanza, Cine&Investigación
O punto de partida é un feito moi concreto e tanxible: en 2013, asínase o acordo para trasladar as instalacións de Repsol a punta Langosteira. 
A partir de aí, empezamos a tirar do fío dunha madeixa sen fin, a da nosa historia, a da nosa memoria, a do noso presente... camiñando agora cara a un futuro que está por escribir.
E é que estamos ante unha cidade que creceu, formouse, e fíxose a si mesma nestes últimos 50 anos ao redor das instalacións que agora abandonarán A Coruña, configurando unha nova urbe. 
A historia das persoas é, en definitiva, a historia dos lugares que habitan. A historia da Coruña é a historia das súas persoas.
Disto trata dMudanza. De biografías da memoria, que contaban os nosos pais e avós; de presente, o cambio; e da “construción” da memoria do futuro, que contarán os nosos fillos e netos dentro doutro cincuenta anos.

O proxecto conta coa colaboración da Deputación da Coruña.