“हिवरबन डेव्हलपमेंट फाउंडेशन”

🌳 हिवरबन डेव्हलपमेंट फाउंडेशन 🌳
हिवरबन डेव्हलपमेंट फाउंडेशन ही संस्था सामाजिक, शैक्षणिक, आर्थिक व क्रीडा क्षेत्रात समाजोपयोगी कार्य करण्याच्या उद्देशाने नव्याने स्थापन करण्यात आली आहे.
श्रीक्षेत्र बिरोबा देवस्थान ज्या पावन भूमीवर वसले आहे, त्या ठिकाणी प्राचीन काळी हिवर जातीच्या वृक्षांचे घनदाट बन होते. याच हिवरबनात भगवान बिरोबा यांचा अवतार झाल्यामुळे या संपूर्ण भूमीला “हिवरबन” असे संबोधले जाते.
ही पावन भूमी केवळ धार्मिकच नव्हे तर ऐतिहासिक, सांस्कृतिक आणि पर्यावरणीय दृष्टिकोनातून अत्यंत महत्त्वाची आहे.
पूर्वीप्रमाणे हिवरबन पुन्हा निर्माण व्हावे, या क्षेत्राचा सर्वांगीण विकास व्हावा, पर्यावरण, शिक्षण, रोजगार, क्रीडा व सामाजिक उन्नती साधावी या पवित्र उद्देशाने आम्ही खऱ्या वाटेने एक पाऊल पुढे टाकले आहे.
या पवित्र कार्यासाठी तुमची साथ, सहकार्य आणि आशीर्वाद आम्हाला नक्कीच लाभेल, हीच अपेक्षा 🙏
चला, हिवरबन पुन्हा जिवंत करूया…!
हिवरबनच्या राज्याच चांगभलं...