Jezi Kris Se Seyè Mwen

Byenveni sou chanèl Jezi Kris Se Seyè a! Mwen kreye chanèl sa a ak yon sèl objektif: pou m pataje Pawòl Bondye a ak tout moun sou tè a, kèlkeswa lang yo pale oswa kote yo sòti. Nan chanèl sa a, m'ap mete tout anrejistreman odyo ak videyo mwen fè pandan m ap li Bib la soti nan Jenèz rive nan Revelasyon. Mwen kwè Pawòl Bondye a se verite ki libere, li se limyè ki gide, epi li se manje espirityèl pou nanm tout moun ki respire.

Mwen kòmanse lekti yo nan lang Kreyòl Ayisyen, ki se lang manman m ak papa m. Apre sa, mwen pral kontinye ak fransè epi lòt lang, pou plis moun ka tande epi konprann mesaj Bondye a. Objektif mwen se fè Pawòl Bondye ki nan Bib la vin plis aksesib, pou chak moun ka grandi nan lafwa yo jwenn fòs chak jou, epi santi prezans Bondye atravè pawòl li.

Abòne ak chanèl Jezi Kris Se Seyè a pou nou ka fè vwayaj sa a asanm. Ansanm, ann fè verite a rive nan tout kwen latè, paske Syèl la ak tè a ap pase, men pawòl Bondye p ap janm pase.