Olaia Inziarte

“zerrautsa” 2024an konposatu eta 2025 urte hasieran kaleraturiko diskoa da. Egurra lantzen dugun bitartean kendu beharreko geruza eta hondakin guztien bueltan -eta haiek gainean izanik- sortu                                                                                                                                                        nuen.
“zura”ez da horrekiko urruna den zerbait. Justu urtebete beranduago idatziriko kantuak dira EP ttipi honetan bilduak daudenak. Zura da zerrautsak kendu ondotik gelditzen dena, eta aldi berean, zurari beti kendu diezaiokezu zerrautsa. 

Arbola beretik datoz, bada, errealitate distopiko honetaz kontziente izanik esperantza bilatu nahi duen kantu bat; noizbehinka bakarrik suertatzen zaizkigun onarpen eta bake sentsazioz idatzitako kantu bat; eta obsesio ñabardurak dituen amodio kantu bat.  Hirurek ere, argi pixka bat agerraraztea dute helburu, bizi ditugun garai hauetan, “negua berotze aldera”.