Sa Sa Ni  ಸಾ ಸಾ ನಿ

1997 ರಿಂದ ನಿರಂತರವಾಗಿ ನಿಸ್ವಾರ್ಥ ಸಂಗೀತ ಸೇವೆ ಸಲ್ಲಿಸುತ್ತಾ ಬಂದಿರುವ ಸಾ ಸಾ ನಿ  ತನ್ನ ಸೇವೆಯನ್ನು ಸಂಗೀತ ಪ್ರಿಯರಿಗೆ ತಲುಪಿಸುವ ಗುರಿಯಿಂದ ಆನ್ಲೈನ್ ಚಾನೆಲ್ ಶುರುಮಾಡಲಾಗಿದೆ
೧೧-೧೦-೧೯೯೭ ರಂದು ವಿಜಯದಶಮಿಯ ಶುಭ ಮಹೂರ್ತದಲ್ಲಿ ಆರಂಭಿಸಿದ ಸಾಧನಾ ಸಾಂಸ್ಕೃತಿಕ ಸಂಸ್ಥೆ ೨೦೦೫ ರಲ್ಲಿ ಸಾಧನಾ ಸಾಂಸ್ಕೃತಿಕ ನಿಕ್ಷೇಪವಾಗಿ ಮರು ನಾಮಕರಣಗೊಂಡು ತನ್ನ ಸಂಗೀತ ಸೇವೆಯನ್ನು ಸಲ್ಲಿಸುತ್ತಾ ಬಂದಿದೆ;೧೯೯೮ -ರಂಗ ತರಬೇತಿ ಶಿಬಿರ ಹಮ್ಮಿಕೊಂಡಿತ್ತು.. ಸ್ವಾತಂತ್ರ್ಯ ಹೋರಾಟದ ಕುರಿತು ನಾಟಕ ಪ್ರದರ್ಶನದ ಜೊತೆಗೆ "ಕರ್ನಾಟಕದ ಬಾರ್ಡೋಲಿ" ಎಂದು ಪ್ರಖ್ಯಾತವಾದ ಅಂಕೋಲಾದಲ್ಲಿನ ಸ್ವಾತಂತ್ರ್ಯ ಹೋರಾಟಗಾರರನ್ನು ಸಂದರ್ಶಿಸಿ ಅವರ ಅನುಭವಗಳನ್ನು ನಾಟಕದ ಮೂಲಕ ಹಂಚಿಕೊಳ್ಳಲಾಗಿತ್ತು
೧೯೯೯ ರಿಂದ "ಸಂಧ್ಯಾ ನಾದ" ಹೆಸರಿನಲ್ಲಿ ಸಂಗೀತ ಸಮ್ಮೇಳನಗಳನ್ನು ನಾಡಿನ ಖ್ಯಾತ ಸಂಗೀತಗಾರರನ್ನು ಆಮಂತ್ರಿಸಿ ಆಯೋಜಿಸಲಾಗುತ್ತಿದೆ.
೧೯೯೯ ರಿಂದ "ಸಂಗೀತ ಮತ್ತು ಜೀವನ" ಹೆಸರಿನಲ್ಲಿ ಸಂಗೀತದ ಬಗೆಗಿನ ವಿಚಾರ ಗೋಷ್ಠಿ. ಹಮ್ಮಿಕೊಳ್ಳಲಾಗುತ್ತಿದೆ.
೨೦೧೫ರಿಂದ ನಾದ ಯುಗಾದಿ ಹೆಸರಿನಲ್ಲಿ ಸಂಗೀತ ಕಾರ್ಯಕ್ರಮ ನಿರಂತರವಾಗಿ ಹಮ್ಮಿಕೊಳ್ಳಲಾಗಿದೆ.೨೦೨೦ರಲ್ಲಿ ಮನೆಯಂಗಳದಲ್ಲಿ ಸಂಗೀತ ಹೆಸರಿನಲ್ಲಿ ಕಾರ್ಯಕ್ರವನ್ನು ಹಮ್ಮಿಕೊಂಡು ಸಂಗೀತವನ್ನು ಮನೆಮನೆಗೂ ತಲುಪಿಸುವ ಪ್ರಯತ್ನ ಮಾಡಲಾಗುತ್ತಿದೆ.ಈ ಪ್ರಯತ್ನಕ್ಕೆ ನಿಮ್ಮೆಲ್ಲರ ಸಹಕಾರ ಹಾಗೂ ಪ್ರೋತ್ಸಾಹ ಅಗತ್ಯ
** ಪ್ರಸನ್ನ ವೈದ್ಯ.