Sámi musihkkafestivála

Sámi beassášmárkanat lea okta sámi stuorámus ja boarraseamos festiválain. Dáppe beasat vásihit Sámi Grand Prix ja olu buorit konseartavásáhusat gos sihke árbevirolaš luohti ja ođđaáigásaš šuoŋat gullojit! Maiddái leat olgodáhpáhusat, márkanat, duodje-, govva- ja dáiddačájáhusat, teáhterat, heargegilvovuodjimat, skuhtercrossa, oaggungilvu, girkostallan.

Dál lea Sámi musihkkafestivála almmolaš Youtube-kanála gosa mii bidját sisdoalu mii lea festivála oktavuođas báddejuvvon.