Samtök um Kvennaathvarf

Kvennaathvarfið veitir þjónustu konum sem eru eða hafa verið beittar ofbeldi í nánum samböndum. Kvennaathvarfið:

- er athvarf fyrir konur og börn þeirra þegar dvöl í heimahúsum er þeim óbærileg vegna ofbeldis. Á hverju ári dvelja á annað hundrað konur í athvarfinu til lengri eða skemmri tíma þar sem þær fá vernd, ráðgjöf og stuðning við að taka næstu skref.

- er með viðtöl þar sem konur sem búa við eða hafa búið við ofbeldi í nánum samböndum geta fengið ráðgjöf og stuðning án þess að til dvalar komi. Viðtölin eru konum að kostnaðarlausu og á þeirra forsendum hvað varðar tíðni og fjölda.

- er með neyðarsíma þar sem veitt er ráðgjöf og stuðningur allan sólarhringinn.

- starfrækir sjálfshjálparhópa þar sem konur sem hafa verið beittar ofbeldi styrkja sig í sameiningu með aðstoð leiðbeinanda.

Einnig býður Kvennaathvarfið upp á fræðslu og upplýsingar um kynbundið ofbeldi svo sem til skóla, vinnustaða og félagasamtaka.