STP News - Samaj Te Patrakar

ਐੱਸ. ਡੀ. ਕਾਲਜ ਵਿੱਦਿਅਕ ਸੰਸਥਾਵਾਂ ਵਲੋਂ ਹਫ਼ਤਾਵਾਰੀ ਅਖ਼ਬਾਰ 'ਸਮਾਜ ਤੇ ਪੱਤਰਕਾਰ' ਦੇ ਨਾਲ-ਨਾਲ 'ਸਮਾਜ ਤੇ ਪੱਤਰਕਾਰ ਨਿਊਜ਼ ਚੈਨਲ' ''STP NEWS'' ਦੇ ਨਾਮ ਹੇਠ ਅਪ੍ਰੈਲ 2018 ਤੋਂ ਬਿਹਤਰੀਨ ਤਰੀਕੇ ਨਾਲ ਕੰਮ ਕਰ ਰਿਹਾ ਹੈ। ਵਿਭਾਗ ਦੇ ਅਧਿਆਪਕ ਅਤੇ ਵਿਦਿਆਰਥੀ ਫੀਲਡ-ਵਰਕ ਰਾਹੀਂ ਇਸ ਚੈਨਲ ਦੀਆਂ ਸਰਗਰਮੀਆਂ ਨੂੰ ਨਿਰੰਤਰ ਜਾਰੀ ਰੱਖਦੇ ਹਨ। ਪੱਤਰਕਾਰੀ ਤੇ ਜਨ-ਸੰਚਾਰ ਵਿਭਾਗ ਵਿਖੇ ਜਿੱਥੇ ਇਹ ਵਿਸ਼ਾ ਗ੍ਰੈਜੂਏਟ ਪੱਧਰ ਤੱਕ ਪੜ੍ਹਾਇਆ ਜਾਂਦਾ ਹੈ, ਉੱਥੇ ਇਸੇ ਵਿਭਾਗ ਦੇ ਅਧੀਨ ''ਜਰਨਲਿਜ਼ਮ ਐਂਡ ਮਲਟੀਮੀਡੀਆ ਟੈਕਨਾਲੌਜੀਜ਼' ''JMT'' ਦੇ ਕਿੱਤਾਕਾਰੀ ਡਿਗਰੀ ਕੋਰਸ ਦੀ ਪੜ੍ਹਾਈ ਵੀ ਕਰਵਾਈ ਜਾਂਦੀ ਹੈ। ਦੋਹਾਂ ਵਿਭਾਗਾਂ ਦੀ ਪ੍ਰੈਕਟੀਕਲ ਸਿੱਖਿਆ ਲਈ ਇੱਕ ਆਧੁਨਿਕ ਤਰੀਕੇ ਦਾ ਬਹੁ-ਤਕਨੀਕੀ ਸਟੂਡੀਓ ਵੀ ਤਿਆਰ ਕੀਤਾ ਗਿਆ ਹੈ। ਇਸੇ ਸਟੂਡੀਓ ਤੋਂ ਹੀ STP NEWS ਦਾ ਕਾਰਜ-ਸੰਚਾਲਨ ਕੀਤਾ ਜਾਂਦਾ ਹੈ। ਇੱਥੇ ਹੀ ਵੱਖੋ-ਵੱਖਰੇ ਇਲਾਕਿਆਂ ਦੀਆਂ ਆਪਣੇ-ਆਪਣੇ ਖੇਤਰਾਂ ਵਿਚ ਮਾਹਿਰ ਸ਼ਖਸੀਅਤਾਂ, ਸਾਹਿਤਕਾਰਾਂ ਤੇ ਬੁੱਧੀਜੀਵੀਆਂ ਦੀਆਂ ਮੁਲਾਕਾਤਾਂ ਰਿਕਾਰਡ ਕਰਕੇ STP NEWS ਤੋਂ ਪ੍ਰਕਾਸ਼ਿਤ ਹੁੰਦੀਆਂ ਹਨ। ਨਾਲ ਹੀ ਕਾਲਜ ਦੀਆਂ ਸਾਰੀਆਂ ਵਿੱਦਿਅਕ, ਖੇਡ, ਸਭਿਆਚਾਰਕ, ਸਮਾਜਿਕ ਗਤੀਵਿਧੀਆਂ ਦੀ ਕਵਰੇਜ ਵੀ STP NEWS ਵਲੋਂ ਕੀਤੀ ਜਾਂਦੀ ਹੈ।