Shri Vazhiththunai Murugan Temple Kallur

'பசியில்லா உலகம் அமைப்போம்'

"பசியாற்றுவதே எம் பணி"

- முருகன் அடிமை திரு. முத்துசாமி

வழிப்போக்கிகள், பாதசாரிகள், மனநலம் பாதிக்கப்பட்ட நபர்கள், முதியோர்கள், பக்தர்கள், அடியார்கள், பாதையாத்திரை செல்வோர்கள், பிச்சைகாரர்கள் மேலும் பசி என்று வரும் அனைவருக்கும் இவ்விடம் ஓர் தாய்மடிப்போல் தன் அன்பு கரத்தை நீட்டி பசியாற்றி இளைப்பாற்றி மனமும் வயிறும் நிறையும்படி செய்து கொண்டுவருகிறது.

வழித்துணை முருகன் கோயில் என்பது வெறும் கோயில் மட்டும் அல்ல, பசி என்று வருவோருக்கு பசி தீர்த்து, பிணி என்று வருவோரின் பிணிதீர்க்கும் ஓர் உன்னத அமைதி நிறைந்த இடம்.

 பசியோடு இக்கோயிலை கடந்து ஒருவரும் செல்லக் கூடாது என்ற எண்ணத்தில் சாதி, மத பேதம் இன்றி அனைவரும் இறைவன் பார்வையில் ஒன்று என்ற அடிப்படையில், பசியாறி, இளைப்பாறி, களைப்பாறி செல்ல வேண்டும் என்பதே இவ்விடத்தின் முக்கிய நோக்கம்.

அதன் அடிப்படையில் 2009 ஆம் ஆண்டு வைகாசி விசாகம் அன்று முருகனின் திருவருளால் 'வழித்துணை முருகன்' என்ற பெயரால் இவ்விடம் உருவாக்கப்பட்டு அன்றிலிருந்து தினசரி இரவு பகல் பாராது பசியாற்றும் உன்னத பணியை செய்து கொண்டு வருகிறது.