Lalchhanhima Ralte

Zu/Drugs addiction, HIV leh khawtlang hriselna lampang bak hi chu thiam ka nei meuhlo a. Hna a ‘burnt out’ loh nan, leh midang ten an lo hlawkpui takin tiin, a chunga ka sawi subject mil in video ka siam ve thin a. Beisei aiin miin min lo hlut saka, ka lawm takzet. (Chhana ka ni e)

MBBS ka zir zawh hnuah, Kerala tangin MPH ka zir leh a. US sorkar scholarship hmuin, 2019 -2020 khan Virginia, USA ah Fellowship in Substance Abuse ka zo leh bawk. Chutah chuan 'Psychological Counselling' ka focus a, a bikin 'Motivational Interviewing'.

Coffee ka at chilha – ‘black coffee without sugar’ – intlem ka zir mek. Zin ka addict bawk. Pathian zarah ram 26 ka zin tawha, chung zingah chuan New Zealand leh Scotland nuam ka ti ber, USA pawh engemaw zawng takin.

Addiction bikah chuan a tobul lam ka ngai pawimawha, naupan laia thil thleng ten puitlin hnua a nghawng theih dan te, sual vang vek a ni lo tih ang zawng ten. Pathian leh mihring chaknaa hneh theih a ni tih ka pawm zawng.