Mithra Novels

வாசகர்களுக்கு வணக்கம்! 

மித்ரா என்ற பெயரில் கதைகள், நாவல்கள் எழுதி வருகிறேன். புத்தகமாகவும் வெளி வந்துள்ளது. எனது கதைகள் பெரும்பாலும் குடும்பம், காதல், கிராம வாழ்வு, சமூகம் சார்ந்த, கற்பனை கலந்த படைப்பாக இருக்கும். வாசித்தவர்கள் அறிவர்! இது வரையிலும் நான் எழுதிய கதைகள் இங்கே ஒலிவடிவமாக பதிவேற்றப்படுகிறது.

என்ன தான் வாசிப்பு ஒரு சுகமென்றாலும் செவி வழியாகக் கதை கேட்பது அதனிலும் சுகமல்லவா! பாட்டி கூறும் பழங்கதைகளைக் கேட்டனுபவித்த பாரம்பரியத்தின், தற்போதைய நவீனம் தானே நாம்? 
எழுத்தும், மொழியும், வாசிப்பும் அறியும் முன்பே நமக்கு அறிமுகமானது செவி வழியாகக் கேட்ட கதைகள்! ஒரு கதை சொல்லியின் குரலொன்று ஒவ்வொருவருக்குள்ளும் நினைவில் இருக்கும்! கற்பனை உலகை வடிவமைக்க வைக்கும், தாலாட்டும், ஆறுதல் கூறும், சிந்திக்க வைக்கும், மனதுக்கொரு இனிமை தரும்! இதில் என் கதைகள் எவ்வாறு என்பதை தாங்கள் தாரளமாக தெரிவிக்கலாம், நிறைகுறை ஏற்றே என்னை மெருகேற்றிக் கொள்வேன். அன்புகளும், நன்றிகளும்!  

அன்புடன், 
மித்ரா