Mahamevnawa - The Netherlands

මහමෙව්නාව භාවනා අසපුව යනු ගෞතම බුදුරජාණන් වහන්සේගේ අසිරිමත් සදහම් සන්දේශය ලොව පුරා පැතිරවීම පිණිස බිහිවූ උතුම් පුණ්‍ය භුමියකි. 1999 අගෝස්තු මස 14 වන දින පූජ්‍ය කිරිබත්ගොඩ ඤාණානන්ද ස්වාමීන් වහන්සේ විසින් ආරම්භ කරන ලද මහමෙව්නාව භාවනා අසපුව මේ වන විට ශාඛා ප්‍රශාඛා විහිදී ගිය නුග රුකක් සෙයින් ලොව පුරා පැතිර ගිය සුවිසල් ආයතනයකි. 2015 වසරේ ඔක්තෝම්බර් මාසයේ 18 වන දින පූජ්‍ය කිරිබත්ගොඩ ඤාණානන්ද ස්වාමින්ද්‍රයන් වහන්සේගේ අනුශාසනා මත මහමෙව්නාව භාවනා අසපු සංචිතයෙහි 23 වන විදෙස් අසපු ශාඛාව ලෙස නෙදර්ලන්තයේද මහමෙව්නා භාවනා අසපු ශාඛාවක් ආරම්භ කරන ලදී. දැනට නෙදර්ලන්තයේ පවතින එකම ශ්‍රි ලාංකික බෞද්ධ විහාරස්ථානය මෙය වන අතර පූජ්‍ය කිරිබත්ගොඩ ඤාණානන්ද ස්වාමින්ද්‍රයන් වහන්සේගේ ශිෂ්‍ය ස්වාමින්වහන්සේලා දෙනමක් එහි වැඩ සිටිති. මෙමෙ අසපුව මුල් කරගෙන දැනට විශාල සදහම් සේවාවක් සිදුවන අතර නෙදර්ලන්තයේ වෙසෙන ශ්‍රී ලාංකික පින්වතුන් බොහෝ දෙනෙක් ධර්මය ඉගෙන ගනිමින්, බණ භාවනා පුරුදු කරමින් සිටිතී.