Baku Business Factory - BBF

"Baku Business Factory" (BBF) 2015-ci ilin Aprel ayında iş adamı Anar Əlizadə (www.anaralizade.com) tərəfindən təsis edilmişdir. Şirkətin əsas məqsədi gənclərin biznes təşəbbüslərinin dəstəklənməsidir.

Müxtəlif sahələrə aid biznes ideyaları olan gənclər BBF-də öz ideyalarını biznesə çevirə biləcəklər. Onlar BBF-dən ofis, mentor və maddi dəstək alacaq və davamlı olaraq müxtəlif mentorluq proqramlarında iştirak edəcəklər.

BBF-in fəaliyyət göstərdiyi 2-ci sahə isə sərbəst işləyən insanların iş üçün hər cür şəraitə malik ofislə təminatıdır. Onlar ofisimizin bütün imkanlarından: iş stolu, görüş otaqları, istirahət otağı, internet, printer, skayner, resepşn, çay, kofe və s., istifadə edəcəklər. Onlar, həmçinin, BBF tərəfindən təşkil olunacaq mentorluq görüşlərində də iştirak edə bilərlər.