Règleman Afè Popilè

Règleman Afè Popilè se yon gwoup Rap Politik ki fè jou nan lane 2012. Pwojè kreyasyon Règleman chita sou etidye  listwa Ayiti, depi lè Kristòf Kolon debake ;  akonpanye ak zak sasinay sou premye abitan zile a pase nan komès Afriken ki pote non Trèt Negriyè jouk frape pye  lanuit 14 Dawout 1791 la ki al debouche sou gwo mobilizasyon 21-22 Dawout menm ane a. Travay sa penmèt li dekouvri kijan pèp ayisyen viv, kijan li fete men tou kijan li pran kou. 
 Konsa, li rive konprann okenn kreyasyon ki konsène Ayiti Toma  pa ka fèmen je sou òganizasyon sosyo-ekonomik Lakou, espirityalite Vodou ak Lang Kreyòl ayisyen. Lang nasyonal la jwe yon wòl enpòtan nan dinamik kreyasyon an. Travay sa fèt avek epi sou lang nan.  Puiske se yon gwoup Rap, li bwè nan mizik pitit pitit afriken yo kreye nan chan koton Ozetazini anpil istoryen rele “Black Music” ansanm ak Boom Bap ki karakterize ane 90 yo. Maranday sa bay sa Règleman rele Rap Bosal la.