Radha Uvaacha by Kanchan Lele

Entire Blog here - https://radhauvaacha.blogspot.com/2024/06/29-on-29th-with-twist.html

आता आयुष्याच्या तिशीत पदार्पण करताना मनात विचार आला की आपण काय केलं एकोणतीस वर्षात?
तर मला वेगळंच उत्तर मिळालं! मी फार काही केलं नसलं तरी मला गेल्या एकोणतीस वर्षात त्या मानाने फार फार काही मिळालं आहे! खूप समृद्ध आयुष्य आजपर्यंत देवाने दिलं..त्याबद्दलची कृतज्ञता आणि जे जे आपणासी ठावे ते ते इतरांसी सांगावे या न्यायाने राधा उवाचचं पुढचं पाऊल टाकते आहे, ते म्हणजे हा नवीन YouTube चॅनल.
आता तुम्ही विचाराल की हा channel नेमका कशाबद्दल आहे? गाण्याबद्दल? प्रवासाबद्दल? लिखाणाबद्दल की आणखी काही? तर मी म्हणेन की हा माझ्याबद्दल आहे. 
यातून येण्याऱ्या प्रत्येक कलाकृतीत थोडी थोडी मी असणार आहे. आजवर जे जे उत्तम माझ्या नशिबी आलं ते ते सगळं या माध्यमातून share करायला मला खूप आवडेल, एक प्रकारे ते सगळं ज्यांच्यामुळे आलं त्या सगळ्यांप्रति कृतज्ञता व्यक्त करायची याहून चांगली संधी मला मिळूच शकणार नाही! आता तुम्हाला कधी गाणं ऐकायला मिळेल, कधी लेख, कधी एखादं स्तोत्र तर कधी आणखी तिसरंच काही? कुणास ठाऊक!