Sreshtachara Sabha

ജന്മം കൊണ്ടല്ല കര്‍മ്മം കൊണ്ടാണ് ബ്രാഹമണ്യത്തെ നേടേണ്ടത് എന്ന ആര്‍ഷജ്ഞാനത്തെ അടിസ്ഥാനമാക്കിപൂജനീയ മാധവ്ജിയുടെ നേതൃത്വത്തില്‍നടന്ന ഐതിഹാസികമായി നടന്ന ഹിന്ദു നവോത്ഥാന പ്രവര്‍ത്തനങ്ങളിലൂടെ   ആരാധനാ പദ്ധതികള്‍ പഠിയ്ക്കുവാനും അനുഷ്ഠിയ്ക്കുവാനുമുള്ള സാഹചര്യം എല്ലാവര്‍ക്കും ലഭിച്ചു. മാധവ്ജി കൊളുത്തിയ ആദര്‍ശദീപത്തെ പ്രവര്‍ത്തന പഥമായി സ്വീകരിച്ചുകൊണ്ട്  കോഴിക്കോട് കേന്ദ്രമാക്കി ശ്രേഷ്ഠാചാരസഭ പ്രവര്‍ത്തനം ആരംഭിച്ചു. ശ്രീ എം .ടി. വിശ്വനാഥനാണ് സഭയുടെ ആചാര്യന്‍. കേരളത്തിലെ മിക്കവാറും ഹിന്ദു കുടുംബങ്ങളിലെ കുലദേവത ഭദ്രകാളി  ആണ്. ഏറ്റവും വിശിഷ്ഠമായ ആരാധനയിലൂടെ കുലദേവതാചരണം ശക്തമാക്കുന്നതിനായി ശ്രേഷ്ഠാചാരസഭ ഒരു വര്‍ഷം നീണഅട് നില്ക്കുന്ന പഠന ക്ലാസ്സ് അതിന്റെ ആരംഭം മുതല്‍ നടത്തിവരുന്നു. ശ്രീപരമേശ്വരനേയും  നാരായണനേയും ഗുരുവിനേയും ജപിയ്ക്കുവാന്‍  ദീക്ഷ നല്കി കൊണ്ട് ആരംഭിയ്ക്കുന്ന ഈ കോഴ്സില്‍ ദേവമാതാ ഗായത്രിയെ എപ്രകാരമാണ് ആരാധിയ്ക്കുക എന്ന് പഠിപ്പിയ്ക്കുന്നു. സന്ധ്യാവന്ദനം ,ഗായത്രീജപം, ഗുരുദേവതാസ്മരണം  ചെയ്ത് വിഘ്ന നിവാരണത്തിനായി ഒരു കുടുംബത്തില്‍ ഗമപതിഹോമം ചെയ്യേണ്ടുന്നത് എങ്ങിനേയെന്ന് പഠിപ്പിയ്ക്കുന്നു.