Nigar Jamal

Nigar Jamal 7 sentyabr 1980-ci ildə Bakı şəhərində anadan olub. 1985-86-cı illərdə o, uşaq ansamblının solisti olub. Müxtəlif müsabiqələr və yaradıcı kollektivlərdə çıxış edən sənətçi  2010-cu ildə 56-cı Avroviziya Mahnı Müsabiqəsində Azərbaycanı təmsil etmək üçün milli seçim turlarına qatılıb. 2011-ci ildə dünyanın ən böyük televiziya şousu Avroviziyada Eldar Qasımov ilə Running Scared mahnısı ilə performans göstərmiş və Azərbaycana qələbə qazandırmışdır. Avroviziyadakı uğurun ardınca “Play With Me” adlı ilk albomu işıq üzü gördü. Yaradıcılığını Türkiyədə çıxardığı mahnılarla davam etdirən Nigar Camal “Talebe”,  “Herhalde” kimi mahnılara imza atdı. Sənətçi bu günədək yeni mahnılarını təqdim etməyə davam edir. “Nəfəsim-Qəlbim”, “Get Həyatımdan”, “Peşmanam” kimi mahnıları dinləyicilər tərəfindən maraqla qarşılanmışdır.