MR JAI KHATRI 💫

ڄامشوري جون ھوائون ياد ھن
حسن وارن جون ادائون ياد ھن

عشق جو ھت ڇا عجب ماحول ھو
ساھ ۾ سڏڪا صدائون ياد ھن

کينچلون ڪندي وڻن جي لام تي
پاڻ ملياسين وفائون ياد ھن

ھو اکين جو ئي اکين ۾ گم ٿيڻ
۽ اکين جون التجائون ياد ھن

ڪنھن ڏنا سور ڪنھن آٿت ڏني
عشق جون سڀئي سزائون ياد ھن

زندگي جو ڄڻ اجايو آ سفر
محبتون دوکا دغائون ياد ھن

حسن ۾ ھو چنڊ جھڙو ھو صفا
مست مدهوشي فضائون ياد ھن

مست سنڌو جي فضا سان عشق هو
خوبصورت سي گهٽائون ياد هن

جوڙ گهميا ٿي هٿن ۾ هٿ ڏئي
هئہ ورسٽي جون ڪٿائون ياد ھن

ڇا زمانو ھو صنوبر ياد آ
 زندگي سان ٿيون جفائون ياد ھن