#شخابيط_لماضة Azza Hosny

لا بألف كتب ولا باكتب روايات
أنا بس باقلب في اللي فات
أصلي ياما شفت وسمعت حاجات
أيام عشتها و ناس عاشرتها  وأغاني سمعتها 

ولا أقولك!!

 ده في كمان أفلام  شفتها وعشت فيها
وحواديت اتحكت كنت أنا البطلة اللي فيها
و حكايات كان يادوب ليا فيها دور وساعات كومبارس صامت

طب وتعرف إيه كمان؟
أنا عيشت في سيرك وكنت بهلوان 
راسم على وشه ضحكة كبيرة وعامل فرحان 
وبعد ما يخلص العرض ما قدرش يمسح الألوان 
ماهو أصلي لو محيتها هاضطر أكدب وأقول 
 أنا منك يا دنيا مش زعلان !!

#شخابيط_لماضة