Ekatra Foundation

ગ્રંથસાર. વિશ્વની શ્રેષ્ઠ નવલકથાઓનો સાર હવે આપણી ભાષામાં.

એકત્ર ફાઉન્ડેશને વિદ્યાર્થીઓ, વાચકો અને સાહિત્ય પ્રેમીઓ માટે વિશ્વભરની પ્રખ્યાત નવલકથાઓના હૃદયસ્પર્શી સારાંશને ગુજરાતી ઓડિયો-વિડીયો દ્વારા જીવંત કરવાનો પ્રકલ્પ શરૂ કર્યો છે. 'ગ્રંથસાર' એ વિશ્વની શ્રેષ્ઠ કૃતિઓનો ગુજરાતીમાં શ્રાવ્ય સાર (ઓડિયો સમરી) છે. હવે વિશ્વના મહાન લેખકોની કલમે લખાયેલી ઉત્તમ વાર્તાઓનો ઊંડો અનુભવ કરી શકાશે, અને તે પણ આપણી ભાષા ગુજરાતીમાં!

સાહિત્ય અને સંસ્કૃતિ માટે ઊંડો પ્રેમ હોવા છતાં ભાષા અને સમયની અડચણને કારણે વિશ્વસાહિત્યના અનુભવથી વંચિત રહેવું પડે છે. પણ હવે, આધુનિક AI ટેકનોલોજીની મદદથી, આપણી પાસે વિશ્વની મહાન કૃતિઓના સારાંશ મોટા પાયે તૈયાર કરવાની અને તેમને આપણી પોતાની ભાષામાં સાંભળી શકવાની શક્યતાઓ ઉભી થઇ છે. આનાથી સાહિત્ય વધુ સુલભ અને પ્રસ્તુત બનશે. 'ગ્રંથસાર'નો હેતુ એ છે કે વિશ્વભરના ઉત્તમ સાહિત્યની સુવાસ ગુજરાતી ભાષામાં વધુને વધુ લોકો સુધી પહોંચે અને સાહિત્ય પ્રત્યેનો પ્રેમ વધુ ગાઢ બને. 

તો આવો, અહીં વિશ્વભરની પ્રખ્યાત નવલકથાઓના હૃદયસ્પર્શી સારાંશ સાંભળીએ અને આપણી સાહિત્ય યાત્રાને વધુ સમૃદ્ધ બનાવીએ.