Henry VIII - Topic

Hendrik VIII was van 21 April 1509 tot met sy dood koning van Engeland en lord van Ierland. Hy was die tweede koning van die Huis van Tudor en die opvolger van sy pa, Hendrik VII.
Hendrik VIII was ’n belangrike figuur in die geskiedenis van die Engelse monargie. Hoewel hy die Protestantse Reformasie wreed onderdruk het, is hy meer bekend vir sy politieke gevegte met die Rooms-Katolieke Kerk. Dit het eindelik gelei tot die skeiding van die Anglikaanse Kerk van die pous se gesag en sy oorname as die hoof van die Kerk. Koninklike steun vir die Reformasie het eers begin met sy erfgename Eduard VI en Elizabeth I, terwyl sy dogter Maria I die pous se gesag oor Engeland tydelik herstel het. Hendrik is ook bekend vir sy ses vroue, van wie twee onthoof is.