Non-Partisan People's Struggle

රාජපක්ෂ පවුල ඇතුලු දේශපාලකයන් මාගේ මව්රට දූශණය කරමින් සිටිති. 

ඔවුන්ගේ පුද්ගලික ධනයක් ලෙස සිතා මාගේ මාතෘ භූමිය
දිනෙන් දින කෑලි කඩා විකුණමින්,
ධනය සූරාකමින්, 
මහජන මුදල් අවභාවිතා කරමින් 
පොදුජනයා මහ මඟට වැටෙන තෙක් ඔවූහු සුරසැප විදිති. 
අප මේ ක්‍රමය වෙනස් කල යුතුය. 
තාරුණ්‍යය සහ අපගේ අනාගතය බලකාමයට බිලිදිය නොහැකිය.

ජනතා මනාපයෙන් පත්වූ ඔවුන් ජනතාවට සේවය කිරීම වෙනුවට
දූශණය වංචාව තුළින් තම තමන්ගේ පෞද්ගලික අරමුණු කෙරෙහි මහජනතාවගේ අනාගතය බිලිගන්නා යුගය
අප හමාර කරන්නෙමු. 
ඒ වෙනුවෙන් ඔවුන්ව පලවා හැරීමටත්,
ජනතා පරමාධිපත්‍ය තහවුරු කිරීමටත්
අවිහිංසාවාදීව නිර්පාක්ෂික ජන අරගලය තුල අප එක්වෙමු.

වටු කුරුල්ලන් දැලට අසුවී විපතට පත් අවස්තාවේ සමගිව දැල ඔසවා ගොස් විපතින් මිදුනාහ.
අප ඔබට එය සබුද්ධිකව පෙන්වා දෙන්නෙමු. 

අපද පාලකයන් විසින් එලූ පක්ෂග්‍රාහි දැල නිර්පාක්ෂිකව ඔසවා ගෙන ගොස්
කටු ගොමුවක දමා අමානුශික පාලකයන් නෙරපා දමා
බොහෝ ජනයාට හිත සුව පිණිස කටයුතු කිරීමටත්
නිර්පාක්ෂිකව එක්වන්නෙමු. 

පාලන තන්ත්‍රය ගොඩ නගන නිර්පාක්ෂික ශ්‍රි ලාංකිකයන් ලෙස කටයුතු කිරීමට අප සැවොම පෙල ගැසෙමු.