Birbalvi

برصغیر پاک وہند میں قرآن مجید اور علوم دینیہ کی اشاعت و ترویج میں خانقاہی نظام نے بہت اہم کردار ادا کیا ہے۔ اولیائے کرام نے اشاعت اسلام اور روحانی رہنمائی کے ساتھ ساتھ فروغ علم کے لیے بھرپور کردار ادا کیا ہے۔ انہیں نفوس قدسیہ کی بدولت اسلام کی روشنی برصغیر کے کونے کونے میں پھیلی۔  خانقاہ مرتضوی کا شمار بھی انہیں قدیم خانقاہوں میں ہوتا ہے اس خانقاہ کی بنیاد جنید وقت حضرت خواجہ غلام مرتضی رحمۃ اللہ علیہ نے بیربل شریف میں رکھی۔ 
یہ بستی شاہ پور صدر ضلع سرگودھا سے دس کلومیٹر کے فاصلے پر دریائے جہلم کے کنارے گزشتہ دو صدیوں سے علم وعرفان کے مثالی مرکزکی حیثیت سے مشہور ومعروف ہے اس علمی اور روحانی مرکز کے بانی حضرت خواجہ غلام مرتضی رحمت اللہ علیہ مشائخ نقشبند میں بلند مقام کے حامل اور شریعت وطریقت میں کامل بزرگ تھے۔